images

लिपुलेकमा नेपाली भूभागमाथि नांगो अतिक्रमण : वैद्य

प्रकाशित |
messi

काठमाडौं । मोहन वैद्य (किरण) नेतृत्वको नेपाल कम्युनिस्ट पार्टी (क्रान्तिकारी माओवादी) ले नेपाली भूभागलाई भारतीय नक्सामा सेमेटेकोप्रति आपत्ति जनाएको छ । भारतले हालै सार्वजनिक गरेको नयाँ नक्सामा नेपालको लिम्पियाधुरादेखि लिपुलेकसम्मको भूभाग आफ्नो नक्सामा समेटिएकोबारे वैद्य नेतृत्वको क्रान्तिकारी माओवादीले गम्भीर आपत्ति जनाएको हो ।

नेपालको सार्वभौमिकता र स्वाधीनतामाथि नै नांगो अतिक्रमण भएको विज्ञप्तिमा उल्लेख गरेको छ ।

‘भारत सरकारद्वारा हालै सार्वजनिक नयाँ नक्सामा पहिलेदेखि अतिक्रमण गर्दै आएको नेपालको लिम्पियाधुरादेखि लिपुलेकसम्मको समग्र कालापानी क्षेत्रमा पर्ने भूभागलाई भारतमा गाभिएको छ’, नेकपा (क्रान्तिकारी माओवादी) का महासचिव किरणद्वारा हस्ताक्षरित विज्ञप्तिमा भनिएको छ, ‘यो नेपालको राष्ट्रिय स्वाधीनता, सार्वभौमिकता र नेपाली भूभागमाथि गरिएको नांगो अतिक्रमण हो ।’

विज्ञप्तिमा भनिएको छ, ‘भारतले गलत गरेकाले कडा विरोध गर्न, नेपालको सार्वभौमिताको पक्षमा दह्रोसंग उभिन र यसबारे तुरुन्तै आवश्यक कूटनीतिक पहल अगाडि बढाउन नेपाल सरकारसित जोडदार माग गर्दछ’, ।

फेसबुकबाट तपाईको प्रतिक्रिया

सम्बन्धित खबर